Cäziz Aydin : ܐܝ ܡܕܰܒܪܳܢܘܬܐ ܘܐܚ ܚܰܝܶܐ ܒܷܬ݂ܷܪ ܡܘ ܣܰܝܦܐ ܒܝ ܩܪܝܬ݂ܐ ܕܰܐܪܟܰܚ / I mdabronuṯo w aḥ ḥaye bëṯër mu Sayfo bi qriṯo d Arkaḥ

I mdabronuṯo w aḥ ḥaye bëṯër mu Sayfo bi qriṯo d Arkaḥ

ܒܷܬ݂ܷܪ ܡܘ ܣܰܝܦܐ ܐܰܚ ܚܰܝܶܐ ܒܝ ܩܪܝܬ݂ܐ ܗܰܘܷܢܘܰܐ ܥܰܣܩܶܐ ܓ݂ܱܠܱܒܶܐ. ܡܟܳܢܘܳܬ݂ܐ ܠܰܬܘܰܐ ܘܟܰܦܢܐ ܘܰܐ. ܘܐܰܢ ܢܳܫܶܐ ܓ݂ܶܪ ܡܷܕ ܡܷܦܬܰܟܪܝ ܒܰܚ ܚܰܝܶܐ ܝܰܘܡܳܝܶܐ ܡܶܕܶܐ ܚܪܶܢܐ ܠܰܬܘܰܐ ܕܣܰܝܡܝ. ܐܝ ܕܰܒܰܪܰܬ݂ܬ݂ܶܐ ܗܘܝܳܘܰܐ ܡܰܟ ܟܰܪܡܶܐ ܘܡܰܚ ܚܰܝܘܳܬ݂ܐ. ܡܰܠܬܰܡܡܶܐ ܪܘܚܰܝـܝܶܗ، ܘܐܰܠܳܗܐ ܡܕܰܒܪܝܠܶܗ. ܐܘܥܕܐ ܟܳܚܳܙܝܢܰܐ ܐܰܚ ܚܰܝܶܐ ܡܚܰܠܦܝ ܘܡܫܰܘܫܛܝ ܘܐܰܡ ܡܟܳܢܘܳܬܐ ܙܰܝܝܕܝ. ܐܰܬ݂ܝܐ ܢܝܚܘܬܐ ܠܝ ܩܪܝܬ݂ܐ ܘܐܰܚ ܚܰܝܶܐ ܒܰܣܝܡܝ. ܐܰܕ ܝܰܘܡܰܐ ܐܝ ܩܪܝܬ݂ܐ ܟܳܡܝܕܰܒܪܐ ܫܰܦܝܪܐ ܘܟܷܬܠܰܢ ܬܪܶܐ ܟܳܗܢܶܐ ܕܟܳܚܰܝܪܝ ܥܰܠ ܐܺܝ ܬܷܫܡܷܫܬܐ ܥܝܬܳܢܳܝܬܐ ܘܡܓܰܒܝܐ ܚܰܬ݂ܐ ܕܟܳܚܳܝܷܪ ܥܰܠ ܐܝ ܬܷܫܡܷܫܬܐ ܥܳܠܡܳܢܳܝܬܐ. ܘܡܰܠܦܳܢܐ ܕܟܳܚܳܝܰܪ ܥܰܠ ܐܝ ܡܰܕܪܰܫܬܐ ܕܘ ܝܘܠܦܳܢܳܐ ܥܝܬܳܢܳܝܐ ܘܡܰܠܦܳܢܶܐ ܚܪܶܢܶܐ ܣܬܶܐ ܕܟܳܚܰܝܪܝ ܥܰܠ ܐܘ ܒܶܝܬܣܷܦܪܐ ܕܘ ܝܘܠܦܳܢܐ ܥܳܠܡܳܢܳܝܐ. ܬܰܘܕܝ ܠܡܳܪܝܐ ܐܝ ܩܪܝܬ݂ܐ ܟܳܝܷܪܘܐ ܝܰܘܡܐ ܒܘ ܝܰܘܡܐ ܘܟܳܒܷܣܡܝ ܐܰܚ ܚܰܝܶܐ ܐܶܒܰܐ. ܐܘܥܕܐ ܟܰܪܝܳܐܝܬ ܓܡܰܚܟܶܢܐ ܥܰܠ ܐܝ ܡܕܰܒܪܳܢܘܬܐ ܘܥܰܠ ܐܰܚ ܚܰܝܶܐ ܕܝ ܩܪܝܬ݂ܐ ܕܒܘ ܕܳܪܰܢܐ ܐܘ ܚܰܪܳܝܐ.

SEDRA IV

Syriac Lexeme

About This Digital Text

Corpus Text ID:

https://surayt.bethmardutho.org/1511

Publication Date: July 13, 2020

Preparation of Electronic Edition:

TEI XML encoding by Anna-Simona Barbara Üzel .

Open Access and Copyright:

See details...

How to Cite this Electronic Edition

Aydin, Cäziz, “ܐܝ ܡܕܰܒܪܳܢܘܬܐ ܘܐܚ ܚܰܝܶܐ ܒܷܬ݂ܷܪ ܡܘ ܣܰܝܦܐ ܒܝ ܩܪܝܬ݂ܐ ܕܰܐܪܟܰܚ / I mdabronuṯo w aḥ ḥaye bëṯër mu Sayfo bi qriṯo d Arkaḥ”, in Shabo Talay (ed.), “Šlomo Surayt - Corpus”, last modified July 13, 2020, https://surayt.bethmardutho.org/1511.